ایرانی پولیس کی فائرنگ سے متعدد مظاہرین جاں بحق

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

ایران میں انسانی حقوق کے کارکنان نے بتایا ہے کہ فارس صوبے کے کازرون شہر میں بدھ کے روز ہونے والے ایک پر امن احتجاجی مظاہرے کے دوران پولیس نے مظاہرین کو منتشر کرنے کے لیے ان پر گولیاں چلائیں جس کے نتیجے میں متعدد مظاہرین جاں بحق اور زخمی ہوگئے۔

العربیہ ڈاٹ نیٹ کے مطابق مظاہرین شہر کی تقسیم کے خلاف احتجاج کر رہے تھے کہ اس دوران پولیس نے ان پر گولیاں چلائیں، جس کے نتیجے میں کم سے کم دو افراد ہلاک اور سات زخمی ہوگئے۔

سماجی کارکنوں نے مظاہرین پر پولیس کے حملے کی تصاویر اور فوٹیج سوشل میڈیا پر جاری کی ہیں۔ مشتعل ھجوم نے دوار کے مقام پر قائم ایک پولیس سینٹر پر دھاوا بولا اور اسے آگ لگا دی۔ مظاہرین نے پولیس کی متعدد گاڑیاں بھی نذرآتش کر ڈالیں۔ سیکڑوں کی تعداد میں مظاہرین شاہراہ فلسطین میں پھیل گئے اور انہوں نے حکومت کے خلاف شدید نعرے بازی کی اور شہر کی تقسیم روکنے کا مطالبہ کیا۔

انسانی حقوق کارکنوں کا کہنا ہے کہ پر تشدد احتجاج کے بعد پولیس نے فارس صوبے کے کئی علاقوں میں کرفیو لگا دیا ہے۔

مقبول خبریں اہم خبریں

مقبول خبریں