.

نیویارک اسٹاک ایکسچینج کی 226 سالہ تاریخ میں پہلی مرتبہ خاتون صدارت سنبھالیں گی

پہلی اشاعت: آخری اپ ڈیٹ:

نیویارک اسٹاک ایکسچینج (این وائی ایس ای)کی 226 سالہ تاریخ میں پہلی مرتبہ ایک خاتون صدر بن گئی ہیں اور وہ دنیا کی اس بڑی اسٹاک مارکیٹ کے انتظامی امور کی نگرانی کریں گی۔

نئی صدر اسٹیسی کوننگھم نے این وائی ایس ای کے تجارتی فلو ر پر ایک کلرک کی حیثیت سے اپنی پیشہ ورانہ زندگی کا آغاز کیا تھا۔اب وہ اسی اسٹاک ایکسچینج کے بگ بورڈ کی سڑسٹھویں صدر ہوں گی۔

کوننگھم اس وقت نیویارک اسٹاک ایکس چینج گروپ کی چیف آپریٹنگ آفیسر کے طور پر کام کررہی ہیں اور وہ آیندہ جمعہ کو اپنی نئی ذمے داریاں سنبھالیں گی۔ اسٹاک ایکس چینج کے موجودہ صدر تھامس فیرلے ایک کمپنی کی سربراہی سنبھالنے کے لیے یہ عہدہ چھوڑ کر جا رہے ہیں۔

اب تک نیو یارک اسٹاک ایکس چینج پر مردوں ہی کی بالادستی رہی ہے ۔اس وقت اس کو ’’می ٹو تحریک‘‘ سمیت مختلف ایشوز کا سامنا ہے۔