پرواز کے اغوا کی کوئی کوشش نہیں ہوئی، اکھڑ مسافر کی وجہ سے واپس اتارا گیا: فلائی دبئی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

دبئی کی سرکاری فضائی کمپنی فلائی دبئی نے ان اطلاعات کی تردید کی ہے جن میں کہا گیا ہے کہ اس کے ایک مسافر طیارے کو ایران کی فضائی حدود میں پرواز کے دوران اغوا کرنے کی کوشش کی گئی تھی۔

فلائی دبئی نے وضاحت کی ہے کہ بدھ کی صبح دبئی سے افغان دارالحکومت کابل جانے والی پرواز ایف زیڈ 301 کو ایک اکھڑ مسافر کے نازیبا رویے کی وجہ سے واپس دبئی کے بین الاقوامی اڈے پر اتارا گیا تھا۔

دبئی کے بین الاقوامی ہوائی اڈےکے حکام نے اس اکھڑ مسافر کو پرواز کے عملہ کی شکایت پر حراست میں لے لیا تھا اور اس کے بعد یہ پرواز باقی مسافروں کو لے کر مقامی وقت کے مطابق صبح 8 بج کر 31 منٹ پر اپنی جائے منزل کابل کی جانب روانہ ہوگئی تھی۔

فضائی کمپنی کا کہنا ہے کہ وہ سوشل میڈیا پر اس پرواز سے متعلق پھیلائی گئی جھوٹی اور غلط رپورٹس سے آگاہ ہے ۔اس واقعے کی ابھی تحقیقات کی جارہی ہے اور جوں ہی مزید معلومات ملتی ہیں تو انھیں عوام کے لیے جاری کیا جائے گا۔

مقبول خبریں اہم خبریں

مقبول خبریں