مکہ اور دیگر مقامات مقدسہ کا انصرام "شاہی اتھارٹی" کے پاس ہو گا: شاہی فرمان

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کے فرمانروا شاہ سلمان بن عبدالعزیز نے ہفتے کو علی الصباح ایک شاہی فرمان جاری کیا ہے جس میں مکہ شہر اور مقامات مقدسہ کے حوالے سے ایک شاہی کمیشن کی تشکیل کا حکم دیا گیا ہے۔

تفصیلات کے مطابق شاہی اتھارٹی مکہ مکرمہ اور دیگر مقامات مقدسہ کے انتظام وانصرام کی ذمہ دار ہو گی۔ اس کے سربراہ وزارتی کونسل کے نائب صدر ہوں گےجو بورڈ آف ڈائریکٹرز کی معاونت سے کمیشن کے روزہ مرہ امور سرانجام دیں گے۔ کمیشن کے ارکان کا تقرر وزارتی کونسل کے سربراہ کے حکم سے کیا جائے گا۔

ایک الگ شاہی فرمان کے ذریعے شاہی کمیشن برائے مکہ اور مقامات مقدسہ کے بورڈ آف ڈائریکٹرز کے ارکان کی تقرری عمل میں لائی گئی۔ بورڈ آف ڈائریکٹرز میں مکہ ریجن کے گورنر، وزیر داخلہ، نائب گورنر مکہ ریجن ڈاکٹر ماجد بن عبداللہ القسیبی، وزیر حج وعمرہ، وزیر مالیات اور منصوبہ بندی یاسر بن عثمان الرمیان، انجینئر ابراہیم بن محمد السلطان اور ڈاکٹر فھد بن عبداللہ تونسی کے نام شامل ہیں۔

مقبول خبریں اہم خبریں

مقبول خبریں