’قصہ ایک وزیراعظم کا فرش صاف کرنے کا‘

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

عموما سیاست دان بالخصوص وزراء اعظم صفائی جیسےمعمولی کاموں کو اپنے لیے کسر شان سمجھتے ہیں کہ مگرہالینڈ کے وزیراعظم نے اپنے ہاتھ سے گرنے والی کافی نہ صرف خود صفائی کی بلکہ عملا یہ ثابت کیا کہ ان کا عہدہ صفائی جیسے معمولی کاموں میں ہرگز رکاوٹ نہیں۔

العربیہ ڈاٹ نیٹ کے مطابق ہالینڈ کے وزیراعظم مارک روٹا حال ہی میں پارلیمنٹ کے اجلاس میں آ رہے تھے۔ وہ پارلیمنٹ ہاؤس میں داخل ہوتے ہوئے جیسے ہی ایک الیکٹرانک گیٹ سے گذرتے تو ان کے ہاتھ میں موجود کافی کا کپ گرگیا اور اس میں موجود کافی فرش پر پھیل گئی۔ انہوں نے نہایت اطمینان کے ساتھ صفائی کے عملے سے وائپر لیا اور خاکروب خواتین کی موجودگی میں اپنے ہاتھ سے فرش پر گری کافی کو صاف کیا۔ اس موقع پر صفائی کے عملے میں شامل خواتین نے وزیراعظم کو صفائی کرتا دیکھ کرتالیاں بجائیں۔ یہ واقعہ سوشل میڈیا پر جنگل کی آگ کی طرح پھیل گیا اور اسے بڑے پیمانے پر پسند کیا جا رہا ہے۔

مقبول خبریں اہم خبریں

مقبول خبریں