ترکی نے شام کی سرحد پرحفاظتی دیوار کی تعمیر مکمل کرلی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

ترکی نے شام کی سرحد پر سیکیورٹی مقاصد کے لیے شروع کی گئی دیوار کی تعمیر مکمل کرنے کا دعویٰ کیا ہے۔

العربیہ ڈاٹ نیٹ کے مطابق ترکی کی ہاؤسنگ فاؤنڈیشن’توکی‘ نے ایک بیان میں بتایا ہےکہ اس کی زیرنگرانی شام کی سرحد پر 911 کلو میٹر کے علاقے پر حفاظتی دیوار مکمل کرلی گئی ہے۔

فاؤنڈیشن کے ڈائریکٹر ارگون طوران نے ’اناطولیہ‘ نیوز ایجنسی کو بتایا کہ شام کی سرحد پر حفاظتی دیوار کا آخری فیز مکمل کرلیا گیا ہے۔ اس فیز کی لمبائی 564 کلو میٹر تھی۔

انہوں نے کہا کہ مجموعی طورپر 711 کلو میٹر کے علاقے پر دیوار تعمیر کی گئی اور باقی علاقے کو دیوار کے بغیر چھوڑا گیاہے۔ اس میں دونوں ملکوں کی سرحد سے گذرنے والی العاصی نہر بھی شامل ہے۔

طوران کا کہنا ہے کہ ایران کی سرحد پر حفاظتی دیوار کا 144 کلو میٹر حصہ ان کی نگرانی میں تعمیر کیا گیا ہے، توقع ہے کہ ایران کی سرحد پر زیرتعمیر حفاظتی دیوار 2019ء کے موسم بہار تک مکمل کرلی جائے گی۔

مقبول خبریں اہم خبریں

مقبول خبریں