سنگاپور سربراہ ملاقات نے دنیا کو جوہری سانحے سے بچا لیا : ٹرمپ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

امریکی صدر ڈونلڈ ٹرمپ کا کہنا ہے کہ منگل کے روز شمالی کوریا کے سربراہ کِم جونگ اُن کے ساتھ اُن کی تاریخی ملاقات نے دنیا کو "جوہری آفت" سے محفوظ بنانے میں اہم کردار ادا کیا۔

ٹرمپ نے اپنی ٹوئیٹ میں کہا کہ "دنیا نے ایک ممکنہ جوہری المیے سے دوری کے لیے بڑا قدم اٹھا لیا"۔ انہوں نے مزید کہا کہ "میزائل داغنے کی کارروائیاں یا جوہری تجربات یا تحقیق یہ سب کچھ اب مزید نہیں ہو گا ! یرغمال افراد وطن لوٹ گئے اور اب اپنے گھر والوں کے ساتھ ہیں۔ رہبر کِم جونگ آپ کا بے حد شکریہ ، ہمارا ساتھ گزرا دن یقینا تاریخی تھا !"

دوسری جانب شمالی کوریا کے سربراہ نے باور کرایا ہے کہ ان کے ملک کا جوہری ہتھیاروں سے غیر مسلح ہونا واشنگٹن اور پیانگ یانگ کا ایک دوسرے کے خلاف معاندانہ سرگرمیاں روکنے کے ساتھ مشروط ہے۔

شمالی کوریا کی سرکاری خبر ریساں ایجنسی نے بدھ کے روز بتایا کہ کم جونگ اُن نے واضح کیا ہے کہ "جزیرہ نما کوریا میں امن و استحکام کو مضبوط بنانے اور جوہری ہتھیاروں کی تلفی کو یقینی بنانے کے واسطے دونوں ملکوں پر لازم ہے کہ وہ دشمنانہ سرگرمیوں کے روکے جانے کا عہد کریں تاکہ ایک دوسرے کو سمجھ سکیں"۔

مقبول خبریں اہم خبریں

مقبول خبریں