ترکی کی فوج کا فضائی حملوں میں 8 مسلح کرد ہلاک کرنے کا اعلان

پہلی اشاعت: آخری اپ ڈیٹ:
مطالعہ موڈ چلائیں
100% Font Size

ترکی کی فوج نے اتوار کے روز ایک اعلان میں بتایا ہے کہ اُس نے رواں ہفتے کے آغاز پر شمالی عراق اور ترکی کے جنوب مشرق میں فضائی حملوں میں آٹھ مسلح کردوں کو ہلاک کر دیا۔

یہ حملے عراق کے علاقے زاب اور ترکی کے جنوب مشرق میں دو صوبوں شرناق اور وان میں کیے گئے۔

اس سے قبل ترکی کی فوج نے ٹوئیٹر پر اپنے بیان میں بتایا تھا کہ ہفتے کے روز عراق کے علاقے افاسین باسیان میں فضائی حملوں کے نتیجے میں چار مسلح کرد مارے گئے تھے۔

حالیہ عرصے میں ترکی نے شمالی عراق بالخصوص جبلِ قندیل کے علاقے میں کردستان ورکرز پارٹی کے اڈوں پر ضربوں میں اضافہ کر دیا ہے۔

انقرہ کا کہنا ہے کہ ترکی کی جانب سے جبلِ قندیل میں زمینی حملہ بھی کیا جا سکتا ہے جس کے بارے میں خیال کیا جاتا ہے کہ یہ کردستان ورکرز پارٹی کے سینئر ارکان کا گڑھ ہے۔

مقبول خبریں اہم خبریں