ملکی اقتصادی صورت حال باعثِ تشویش ہے : خامنہ ای کا روحانی کو خط

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

ایک ایرانی ذریعے نے انکشاف کیا ہے کہ رہبر اعلی علی خامنہ ای نے صدر حسن روحانی کو ایک خط ارسال کیا ہے جس میں ان سے مطالبہ کیا گیا ہے کہ غیر ملکی کرنسیوں کی منڈی کی صورت حال اور مقامی کرنسی کی شدید گراوٹ کے حوالے سے فوری تحقیقات کی جائیں۔ خامنہ ای نے ملک کی اقتصادی صورت حال پر بھی اپنی تشویش کا اظہار کیا۔

خبر رساں ایجنسی "فارس" کے مطابق خامنہ ای کے خط میں گزشتہ ہفتے کرنسی منڈی کی قلابازیوں اور مقامی کرنسی کی قدر میں غیر مسبوق کمی کے حوالے سے سوالات اٹھائے گئے ہیں۔ واضح رہے کہ اس صورت حال نے ہزاروں ایرانیوں کو سڑکوں پر آ کر حکومت اور نظام کے خلاف مظاہروں اور احتجاج پر مجبور کر دیا۔

دوسری جانب مبصرین کے نزدیک تہران کے خلاف امریکا کی نئی پابندیوں کے سائے میں ایرانی نظام کو مشکل وقت دیکھنا ہو گا جب کہ ایران جوہری معاہدے میں باقی رہنے والے ممالک کے ساتھ اقتصادی ضمانتوں کے حصول کے لیے کوشاں ہے۔

مقبول خبریں اہم خبریں

مقبول خبریں