.

امریکا کی دھمکی آمیز زبان کسی کو فائدہ نہیں دے گی : ایردوآن

پہلی اشاعت: آخری اپ ڈیٹ:

ترکی کے صدر رجب طیب ایردوآن کا کہنا ہے کہ امریکا کی دھمکیوں کی زبان سے کسی کو بھی فائدہ نہ ہو گا۔ ترکی میں دہشت گردی کے الزامات میں پابند سلاسل امریکی پادری کے معاملے کے سبب نیٹو اتحاد میں شریک دونوں ممالک کے تعلقات بحران کا شکار ہو گئے ہیں۔

بدھ کے روز انقرہ میں صحافیوں سے گفتگو کرتے ہوئے ایردوآن نے مزید کہا کہ ترکی عدلیہ کی خود مختاری کے حوالے سے ہر گز کوئی رعایت پیش نہیں کرے گا۔ ترکی کے صدر کے مطابق امریکا کے عقلی تبصرے ناقابل قبول ہیں۔

ایردوآن نے بتایا کہ ترک وزیر خارجہ مولود چاوش اوگلو سنگاپور میں آسیان کے اجلاس کے موقع پر اپنے امریکی ہم منصب مائیک پومپیو سے بات چیت کریں گے۔