.

ایران پر جانب دارانہ پابندیوں کی مخالفت کرتے ہیں: چین

پہلی اشاعت: آخری اپ ڈیٹ:

ایران کے خلاف امریکی پابندیوں کے حوالے سے چین نے اپنے ردّ عمل کا اظہار کرتے ہوئے باور کرایا ہے کہ بیجنگ جانب دارانہ پابندیوں کی مخالفت کرتا ہے۔

بدھ کے روز چینی وزارت خارجہ کی جانب سے جاری بیان میں مزید کہا گیا ہے کہ ایران کے ساتھ تجارتی تعاون سے سلامتی کونسل کی کسی بھی قرارداد کی خلاف ورزی نہیں ہوتی ہے اور چین کے قانونی حقوق کا تحفظ ہونا چاہیے۔

چین کا یہ موقف امریکی صدر ڈونلڈ ٹرمپ کے اس علان کے بعد سامنے آیا ہے جس میں کہا گیا تھا کہ جو کمپنیاں ایران کے ساتھ معاملات انجام دیں گی اُنہیں امریکا کے ساتھ تجارتی لین دین سے روک دیا جائے گا۔

چینی وزارت خارجہ نے فیکس کے ذریعے برطانوی خبر رساں ایجنسی کو بھیجے گئے بیان میں کہا کہ بیجنگ ہمیشہ سے جانب دارانہ پابندیوں اور "لانگ آرم پالیسی" کا مخالف رہا ہے۔