امریکا نے کاروں پر نیا ٹیکس لگایا تو بھرپور جواب دیں گے:یورپی یونین

پہلی اشاعت: آخری اپ ڈیٹ:
مطالعہ موڈ چلائیں
100% Font Size

یورپی یونین نے امریکا کو خبردار کیا ہے کہ اگرصدر ڈونلڈ ٹرمپ نے یورپی ممالک کی مصنوعات بالخصوص کاروں پر نیا ٹیرف عاید کیا تو یونین اس کا بھرپور جواب دے گی۔

العربیہ ڈاٹ نیٹ کے مطابق یورپی یونین کے ہائی کمشنر جون کلوڈ یونکر نے جمعہ کے روز ایک بیان میں کہا کہ جولائی میں برسلز اور واشنگٹن کے درمیان تجارتی معاملات کو معمول کے مطابق رکھنے کے اعلان کے بعد لگتا ہے کہ امریکی حکومت یورپی ممالک کی کاروں پر نیا ٹیکس لگانے کا سوچ رہےہیں۔

جرمن ریڈیو’زڈ ڈی ایف‘ سے بات کرتے ہوئے انہوں نے کہا کہ اگر امریکی صدر ڈونلڈ ٹرمپ نے یورپی کمپنیوں کی کاروں پر نیا ٹیکس عاید کیا تو ہم اس کا جواب دیں گے۔

قبل ازیں جمعرات کو یورپی یونین کی ہائی کمشنر برائے تجارت سیسلیا ملسٹروم نے کہا تھا کہ یورپی یونین امریکا سے کاروں کی درآمد پر عاید ٹیکس منسوخ کرنے کےلیے تیار ہے۔

برسلز میں یورپی پارلیمنٹ کے اجلاس سے خطاب میں انہوں نے کہا کہ اگر امریکا ہماری کاروں پر ٹیکس صفر کردے تو ہم بھی ایسا کرنے کے لیے تیاری ہیں۔

تاہم دوسری جانب سے امریکی صدر ٹرمپ نے یورپی یونین کے کاروں پر ٹیکس ختم کرنے کی پیشکش کو ناکافی قرار دیا ہے۔ ان کا کہنا تھا کہ یورپی ممالک کے صارفین مقامی کاریں ہی خریدتےہیں۔ وہ ہماری کاریں نہیں خرید رہے۔

مقبول خبریں اہم خبریں