.

برازیل میں حزب اللہ کا مالی معاونت کار گرفتار

پہلی اشاعت: آخری اپ ڈیٹ:

برازیل کی وفاقی پولیس نے ایک اشتہاری شخص کو حراست میں لیا ہے جس پر لبنانی شیعہ ملیشیا حزب اللہ سے تعلق اور دہشت گردی کے لیے فنڈنگ فراہم کرنے کا الزم عاید کیا گیا ہے۔

پولیس کی طرف سے جاری کردہ ایک بیان میں ملزم کی شناخت اسعد احمد برکات کے نام سے ظاہر کی گئی ہے۔ اسے فوز ڈو ایگواسو کی سرحد سے حراست میں لیا گیا۔

خیال رہےکہ پیراگوئے حکام نے بھی اسعد برکات کو دہشت گردی کی فنڈنگ کے الزام میں اشتہاری قرار دے رکھا ہے۔

سنہ 2004ء کو امریکی وزارت خزانہ نے برکات پر حزب اللہ ملیشیا کے انشورینس فنڈ کے لیے کام کرنے کا الزام عاید کیا اور امریکا میں اس کے اثاثے منجمد کرنے کا فیصلہ کیا گیا تھا۔