سیناء میں داعش کا ایک اہم ترین کمانڈر مصری فوج کے ہاتھوں ہلاک

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

مصری فوج کی تازہ ترین کارروائی میں سیناء کے علاقے میں داعش تنظیم کا ایک اہم ترین کمانڈر ابو حمزہ المقدسی مارا گیا۔ قبائلی ذرائع نے المقدسی کی ہلاکت کی تصدیق کی ہے۔ المقدسی فلسطینی ہے اور اس کا تعلق غزہ پٹی سے ہے۔ وہ داعش تنظیم کے لیے کارروائیوں کی منصوبہ بندی اور جنگجوؤں کی تربیت کی نگرانی کر چکا ہے۔

دوسری جانب داعش تنظیم نے المقدسی کی موت کی تصدیق کی ہے۔ سوشل میڈیا پر تنظیم کے پیجز نے المقدسی کی تصویر جاری کرتے ہوئے بتایا کہ وہ سیناء 2018ء آپریشن میں مصری فوج کے ایک حملے میں مارا گیا۔

مصری وزیر دفاع نے مسلح افواج کی قیادت کے ساتھ مل کر سیناء میں جاری آپریشن میں شریک فورسز کے حجم ، ان کی تشکیل اور انسداد دہشت گردی کے لیے خصوصی اقدامات کا جائزہ لیا۔

مقبول خبریں اہم خبریں

مقبول خبریں