یمن: عرب اتحادی فوج کے فضائی حملے میں حوثی ملیشیا کا سینیر کمانڈر متعدد ساتھیوں سمیت ہلاک

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

یمن میں اتوار کو عرب اتحاد ی افواج کے ایک فضائی حملے میں ایران کی حمایت یافتہ حوثی ملیشیا کا ایک سینیر کمانڈر ہشام عبدالصمد الخالد اپنے متعدد ساتھیوں سمیت ہلاک ہوگیا ہے۔عرب لڑاکا طیاروں نے الحدیدہ کے مغربی ساحلی علاقے میں ہشام الخالد اور اس کے ساتھیوں کو اپنی بمباری میں نشانہ بنایا ہے۔

عرب اتحاد کے لڑاکا طیاروں نے الحدیدہ گورنری میں واقع نظامت الدریہمی اور الحدیدہ شہر کے نواح میں بھی حوثی ملیشیا کے ٹھکانوں اور اجتماعات پر بمباری کی ہے۔

میدان ِ جنگ سے ذرائع نے اطلاع دی ہے کہ الحدیدہ شہر کے مشرق میں فضائی بمباری میں حوثی ملیشیا کی کمک کو نشانہ بنایا گیا ہے اور اس کو مکمل طور پر تباہ کردیا گیا ہے۔

یمنی فوج عرب اتحادی افواج کی فضائی مدد سے الحدیدہ شہر کے باقی ماندہ علاقوں اور بندرگاہ کو حوثی باغیوں کے قبضے سے واگزار کرانے کے لیے فیصلہ کن اور ایک بھرپور حملے کی تیاری کررہی ہے۔اس کی مدد کے لیے اتحادی فوج میں شامل سوڈان کی مسلح افواج کا ایک تازہ دم برّی یونٹ بھی الحدیدہ کے نواح میں پہنچ گیا ہے ۔وہ جدید اسلحے اور فوجی سازوسامان سے لیس ہے۔

مقبول خبریں اہم خبریں

مقبول خبریں