شام اور عراق میں فوجی کارروائیوں سے متعلق تُرک حکومت کے اختیارات کی مدت میں توسیع

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

ترکی میں سرکاری اخبار نے منگل کے روز اپنی اشاعت میں ایک صدارتی یادداشت شائع کی ہے جو شام اور عراق میں فوجی آپریشنز کے لیے حکومت کے اختیارات میں ایک سال کی توسیع سے متعلق ہے۔ مذکورہ مدت کا آغاز 30 اکتوبر سے ہو گا۔

اس سے قبل 3 اکتوبر کو ترکی کی پارلیمنٹ نے اس صدارتی یادداشت کی منظوری دی تھی۔

پارلیمنٹ کی قرار داد کے مطابق ترکی کی جنوبی زمینی سرحد کے پڑوس میں واقع علاقوں میں جھڑپوں کی فضا ابھی تک قائم ہے جو ترکی کی قومی سلامتی کے لیے خطرہ ہے۔

اخبار میں شائع صدارتی یادداشت میں واضح کیا گیا ہے کہ "عراق اور شام میں داعش اور کردستان ورکرز پارٹی کے عناصر کی موجودگی سے علاقائی امن اور ترکی کے استحکام کو براہ راست خطرہ لاحق ہے"۔

یادداشت کے مطابق ترکی دیگر متعلقہ ممالک کے ساتھ مل کر شام میں فائر بندی کے ذریعے مستقل حل اور امن تک پہنچنے کی کوششوں میں مصروف ہے۔

یادداشت میں حوالہ دیا گیا ہے کہ سلامتی کونسل کی قرار داد 2170 شام اور عراق میں دہشت گرد سرگرمیوں کی سختی سے مذمت کرتی ہے۔ اس کے علاوہ قرار داد 1373 میں اقوام متحدہ کے تمام ممالک سے مطالبہ کیا گیا ہے کہ وہ داعش اور اس جیسی دیگر دہشت گرد تنظیموں کی سرگرمیوں کے خلاف تمام مطلوبہ اقدامات اختیار کریں۔

مقبول خبریں اہم خبریں

مقبول خبریں