.

یمنی فوج کی صوبہ صعدہ کے ضلع باقم میں حوثی باغیوں کے خلاف فیصلہ کن کارروائی

پہلی اشاعت: آخری اپ ڈیٹ:

یمنی فوج نے عرب اتحاد کی فضائی مدد سے صوبہ صعدہ میں واقع ضلع باقم میں حوثی باغیوں کے خلاف موثر اور فیصلہ کن کارروائی شروع کردی ہے۔

عرب اتحاد کے لڑاکا طیاروں نے اتوار کے روز باقم میں فوجی کارروائی کے دوران میں حوثی ملیشیا کے اسلحہ ڈپوؤں اور فوجی گاڑیوں کو حملوں میں نشانہ بنایا ہے اور ان کے ٹھکانوں پر ٹینکوں سے بھی گولہ باری کی گئی ہے۔

العربیہ کے ذرائع کے مطابق یمنی فوج نے اب ضلع باقم پر تین اطراف سے حملہ کیا ہے اور یہ ضلع اب اس کے کنٹرول میں آیا ہی چاہتا ہے۔یمنی فوج نے ابواب الحدید کے پہاڑی علاقے میں حوثیوں کے ٹھکانوں پر ایک شدید حملہ کیا ہے۔

یمنی فوج نے پہاڑ ی علاقوں میں بہت سی چوکیوں پر کنٹرول حاصل کر لیا ہے اور وہاں سے حوثی باغی بھاگ کھڑے ہوئے ہیں۔فوج نے تزویراتی اہمیت کے حامل ان اہم مقامات پر پیش قدمی جاری رکھی ہوئی ہے۔