.

سوڈان کے سابق صدر سوار الذہب سعودی دارالحکومت الریاض میں وفات پا گئے!

پہلی اشاعت: آخری اپ ڈیٹ:

سوڈان کے سابق صدر فیلڈ مارشل عبد الرحمن محمد حسن سوار الذہب سعودی دارالحکومت الریاض کے ایک فوجی اسپتال میں جمعرات کے روز وفات پا گئے ہیں۔ان کی عمر 83 برس تھی۔

سوار الذہب سوڈان کی مسلح افواج کے سابق چیف آف اسٹاف تھے۔ وہ سوڈان کے شہر الابیض میں 1935ء میں پیدا ہوئے تھے۔وہ 6 اپریل 1985ء سے6مئی 1986ء تک سوڈان کے صدر رہے تھے۔ وہ صدر جعفر النمیری کا تختہ الٹ کر برسر اقتدار آئے تھے۔ مگر انھوں نے 1986ء میں خود اقتدار صدر صادق المہدی کی منتخب حکومت کے حوالے کردیا تھا۔

اس کے بعد 1987ء میں وہ سیاست سے ریٹائرڈ ہوگئے تھے اور خود کو اسلامی دعوہ تنظیم کی سرگرمیوں کے لیے وقف کردیا تھا۔وہ اس تنظیم کے چئیرمین اور بورڈ آف ٹرسٹیز کے سیکریٹری جنرل تھے۔