خاشقجی کیس سنگین غلطی تھا ، قاتلوں کا احتساب ہوگا: سعودی وزیر خارجہ

واقعے کے ذمے دار افراد میں سے کسی کے ولی عہد شہزادہ محمد بن سلمان سے کوئی قریبی تعلقات نہیں تھے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
3 منٹس read

سعودی وزیر خارجہ عادل الجبیر نے کہا ہے کہ جمال خاشقجی کی موت کا واقعہ ایک سنگین غلطی کا نتیجہ تھا اور اس کیس میں ملوّث ذمے داروں کا احتساب کیا جائے گا۔

انھوں نے اتوار کے روز فاکس نیوز سے خصوصی انٹرویو میں کہا ہے کہ’’ سعودی شاہ سلمان بن عبدالعزیز جمال خاشقجی کے قاتلوں کے احتساب کے لیے پُرعزم ہیں ۔جن لوگوں نے یہ کام کیا ہے،انھوں نے اپنے اختیار اور اتھارٹی سے تجاوز کیا ہے‘‘۔

انھوں نے واضح کیا ہے کہ’’ سعودی ولی عہد شہزادہ محمد بن سلمان ابتدا میں خاشقجی کیس سے تو آگاہ ہی نہیں تھے۔اس واقعے میں ملوث افراد میں سے کسی کے بھی ان سے کوئی قریبی تعلقات نہیں تھے اور نہ ان میں ان کے قریبی کوئی لوگ شامل تھے۔یہ ایک آپریشن تھا اور روگ آپریشن تھا‘‘۔

انھوں نے بتایا کہ جمال خاشقجی کے استنبول میں سعودی قونصل خانے سے باہر نکلنے سے متعلق متضاد رپورٹس منظرعام پرآنے کے بعد ہی تحقیقات شروع کردی گئی تھی ۔ سعودی عرب ان کی موت سے متعلق دستیاب ہونے والی تمام معلومات کو منظرعام پر لائے گا۔

سعودی وزیر خارجہ نے خاشقجی خاندان سے تعزیت کا اظہار کیا ہے اورتسلیم کیا ہے کہ ان کی اس طرح موت ایک غیر معمولی واقعہ ہے اور یہ ایک بڑی اور سنگین غلطی ہے۔

ان کا کہنا تھا کہ سعودی حکام خاشقجی کی لاش کی تلاش کے لیے کام کررہے ہیں اور وہ قونصل خانے میں رونما ہونے والے واقعے کی مکمل تفصیل کے تعیّن کی بھی کوشش کررہے ہیں۔

مقبول خبریں اہم خبریں

مقبول خبریں