.

بحرین کی امیر ِقطر پر الریاض میں جی سی سی کے سربراہ اجلاس میں شرکت نہ کرنے پر تنقید

پہلی اشاعت: آخری اپ ڈیٹ:

بحرین کے وزیر خارجہ شیخ خالد بن احمد آل خلیفہ نے قطر کے امیر شیخ تمیم پر سعودی دارالحکومت الریاض میں اتوار کو ہونے والے جی سی سی سربراہ اجلاس میں شرکت نہ کرنے پر کڑی نکتہ چینی کی ہے۔

انھوں نے ایک ٹویٹ میں کہا ہے کہ امیرِ قطر شیخ تمیم بن حمد آل ثانی کو جی سی سی کے انتالیسویں سالانہ سربراہ اجلاس میں شرکت کی دعوت قبول کرنا چاہیے تھی اور اس میں شریک ہونا چاہیے تھا۔

انھوں نے ٹویٹ میں مزید کہا ہے کہ یہ سربراہ کانفرنس مطالبات کے لیے ایک متفقہ موقف کی نمایندہ ہے۔

قطر نے اپنے وزیر مملکت برائے امورِ خارجہ سلطان بن سعد المریخی کو الریاض اجلاس میں شرکت کے لیے بھیجا ہے۔اس میں خلیج کی سکیورٹی سے متعلق امور، ایران کی خطے کے ممالک کے داخلی امور میں مداخلت اور علاقائی اور عالمی سطح پر ہونے والی تازہ پیش رفت پر غور کیا گیا ہے۔