.

فرانس: سرحدی شہر اسٹراسبورگ میں فائرنگ، 04 ہلاک، 11 زخمی

پہلی اشاعت: آخری اپ ڈیٹ:

فرانس کے جرمنی کی سرحد کے نزدیک واقع شہر اسٹراسبورگ کے وسط میں فائرنگ کے نتیجے میں چار افراد ہلاک اور گیارہ زخمی ہو گئے ہیں۔

فرانس کے سکیورٹی ذرائع کے مطابق فائرنگ کا یہ واقعہ اسٹراسبورگ کی کرسمس مارکیٹ کے نزدیک پیش آیا ہے۔ اس مارکیٹ میں ہر سال لاکھوں سیّاح آتے ہیں۔

پولیس کے مطابق 29 سالہ حملہ آور اسٹراسبورگ میں ہی پیدا ہوا اور سکیورٹی سرورسز اسے ممکنہ شدت پسند حملہ آور کے طور پر پہلے سے دیکھ رہی تھیں۔

پولیس نے منگل کو ایک ممکنہ بینک ڈکیتی کے سلسلے میں اس کے گھر کی تلاشی لی تو اس کے گھر سے گرنیڈ ملے۔ جس جگہ حملہ ہوا یورپیئن پارلیمنٹ کی عمارت وہاں سے قریب ہے۔ پارلیمنٹ کے صدر انتونیو تجانی نے ٹویٹ کی کہ ’وہ شدت پسندوں یا جرائم پیشہ افراد کے حملے سے گھبرائیں گے نہیں۔ `

واضح رہے کہ فرانس میں2015ء اور 2016ء میں دہشت گردی کے حملوں کے بعد سے سکیورٹی ہائی الرٹ ہے۔ ان حملوں میں دو سو سے زیادہ افراد ہلاک ہوگئے تھے۔