یمنی حکومت اور حوثیوں کے وفود کے سربراہوں کا یادگار مصافحہ: ویڈیو

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سویڈن میں جمعرات کو یمن امن مذاکرات کے پہلے دور کے اختتام پر اقوام متحدہ کے سیکریٹری جنرل انتونیو گوٹیریس کی موجودگی میں یمنی حکومت اور حوثی تحریک کے وفود کے سربراہوں نے پہلی مرتبہ مصافحہ کیا ہے۔اس کو تاریخی اور یادگار مصافحہ قرار دیا جارہا ہے۔

سویڈن میں امن مذاکرات کے نتیجے میں یمن کی قانونی حکومت اور حوثی باغیو ں کے درمیان ساحلی شہر الحدیدہ میں جنگ بندی کے لیے ایک سمجھوتا طے پا گیا ہے۔اس کے تحت اقوام متحدہ الحدیدہ شہر اور اس کی بندرگاہوں کےانتظام میں مرکزی کردار ادا کرے گی۔

یمنی وزیر خارجہ اور حکومت کے وفد کے سربراہ خالد الیمانی اور حوثی تحریک کے وفد کے سربراہ محمد عبدالسلام کے درمیان مصافحے کے موقع پر سویڈش وزیر خارجہ مارگوٹ والسٹروم بھی موجود تھیں۔انھوں نے کہا کہ یمن امن مذاکرات کے حاصلات پر مبنی رپورٹ جمعہ کو اقوام متحدہ کی سلامتی کونسل میں پیش کی جائے گی۔

مقبول خبریں اہم خبریں

مقبول خبریں