.

نئے سال کی آمد پر تھائی لینڈ کی پارلیمنٹ کا انوکھا تحفہ

پہلی اشاعت: آخری اپ ڈیٹ:

تھائی لینڈ میں حکومت نے منگل کے روز ملک میں طبی مقاصد اور تحقیق کے واسطے میری جوانا (چرس) کے استعمال کی منظوری دے دی ہے۔ واضح رہے کہ تھائی لینڈ کا شمار ان ممالک میں ہوتا ہے جہاں انسداد منشیات کے حوالے سے سخت ترین قوانین نافذ ہیں۔

تھائی لینڈ کی پارلیمنٹ نے منشیات سے متعلق قانون مجریہ 1979 میں ترمیم کے لیے ہنگامی اجلاس کا انعقاد کیا جس کے دوران کرسمس سے قبل کئی قوانین کی قراردادوں کو منظور کیا گیا۔

گزشتہ صدی میں 1930ء کی دہائی تک تھائی لینڈ میں میری جوانا کا استعمال درد اور تھکن کو دور کرنے کے لیے ہوتا تھا۔

پارلیمنٹ میں مسودہ تیار کرنے والی کمیٹی کے سربراہ Somchai Sawangkarn نے اجلاس کے دوران کہا کہ " قانون ساز پارلیمنٹ کی جانب سے نئے سال کے آغاز پر یہ تھائی لینڈ کی حکومت اور عوام کے لیے ایک تحفہ ہے"۔

واضح رہے کہ کولمبیا اور کینیڈا میں قانون سازی کے ذریعے طبی مقاصد بلکہ تفریح کی غرض سے بھی میری جوانا کے استعمال کی اجازت ہے مگر وہاں منشیات کو ابھی تک غیر قانونی شمار کیا جاتا ہے۔

سنگاپور، انڈونیشیا اور ملائیشیا میں میری جوانا کے اسمگلروں کو موت کی سزا دی جاتی ہے۔