یورپ میں نئے جوہری میزائلوں کی تنصیب کی مخالفت کریں گے : جرمنی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

جرمنی کے وزیر خارجہ ہائکو ماس کا کہنا ہے کہ اگر سرد جنگ کے زمانے میں طے پانے والا جوہری عدم پھیلاؤ کا معاہدہ منسوخ کیا گیا تو اُن کا ملک یورپ میں درمیانے فاصلے تک مار کرنے والے نئے جوہری میزائلوں کی تنصیب کے لیے کیے جانے والے کسی بھی اقدام کی پوری طاقت سے مخالفت کرے گا۔

جرمن نیوز ایجنسی کے مطابق بدھ کے روز دیے گئے ایک انٹرویو میں ماس کا کہنا تھا کہ یورپ کو کسی صورت بھی از سر نو جوہری پھیلاؤ سے متعلق بحث کا میدان نہیں بننا چاہیے۔

امریکا پہلے ہی "انٹرمیڈیٹ رینج نیوکلیئر فورسز" یعنی (آئی این ایف) معاہدے سے نکل جانے کی دھمکی دے چکا ہے۔ امریکا کے صدر رونالڈ ریگن اور ان کے روسی ہم منصب میخائل گورباچوف نے 1987 میں اس معاہدے پر دستخط کیے تھے۔ اس معاہدے کے تحت واشنگٹن اور ماسکو پر پابندی عائد کی گئی تھی کہ وہ درمیانے فاصلے تک مار کرنے والے میزائلوں کو یورپ میں نصب نہیں کریں گے۔

ہائیکو ماس کے مطابق جوہری ہتھیاروں کے میدان میں از سر نو اسلحہ بندی یقینا ایک غلط جواب ہو گا۔

مقبول خبریں اہم خبریں

مقبول خبریں