.

نوجوانی میں گھریلو ملازمہ کو چُھوا تھا : فلپائن کے صدر کا اعتراف

پہلی اشاعت: آخری اپ ڈیٹ:

فلپائن کے صدر روڈریگو ڈوٹیرٹے کی جانب سے ہائی اسکول کے دور میں خاتون ملازمہ کو جنسی طور پر ہراساں کرنے کے اعترافی بیان کے بعد ،،، انسانی حقوق کی تنظیمیں روڈریگو کو شدید تنقید کا نشانہ بنا رہی ہیں۔

ہفتے کے روز اپنی تقریر میں روڈریگو نے بتایا کہ وہ ایک پادری کے سامنے یہ اعتراف کر چکے ہیں کہ انہوں نے اپنے گھر میں کام کرنے والی ملازمہ کو اُس وقت چھونے کی کوشش کی تھی جب وہ سو رہی تھی۔ روڈریگو کے مطابق "وہ کمرے میں داخل ہوئے اور ملازمہ کا کمبل ہٹا کر اسے چُھوا مگر وہ جاگ گئی اور کمرے سے باہر چلی گئی"۔ روڈریگو نے بتایا کہ وہ بعد ازاں کمرے میں واپس آئے اور ایک بار پھر ملازمہ کو ہراساں کرنے کی کوشش کی۔

برطانوی نشریاتی ادارے نے خواتین کے حقوق کے لیے کام کرنے والی تنظیم گیبری ایلا کے حوالے سے بتایا کہ صدر روڈریگو اس منصب کے قابل نہیں ہیں اور انہیں مستعفی ہو جانا چاہیے۔ تنظیم نے روڈریگو کی اس حرکت کو ایک قسم کی "زیادتی" قرار دیا۔

یہ پہلا موقع نہیں جب فلپائی کے صدر نے اپنے کسی بیان یا فعل سے خواتین کے اندر غصے کی لہر بھڑکائی ہو۔ تاہم اس کے باوجود وہ ملک میں بھرپور طور پر مقبول ہیں۔