عرب اتحاد ملیشیاؤں کے قلع قمع تک یمن کی مدد جاری رکھے گا:شہزادہ خالد بن سلمان

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

واشنگٹن میں متعیّن سعودی سفیر شہزادہ خالد بن سلمان نے کہا ہے کہ عرب اتحاد یمن میں ملیشیاؤں کےمکمل استیصال تک اس جنگ زدہ ملک کی مدد وحمایت جاری رکھے گا ۔

شہزادہ خالد بن سلمان نے بدھ کو ایک ویڈیو ٹویٹ کی ہے۔اس میں یمن میں ایک امدادی ادارے کے آتش زدگی کا شکار گودام کو دیکھا جاسکتا ہے۔اس کو مبینہ طور پر حوثی ملیشیا نے نذر آتش کردیا تھا۔

انھوں نے اس ویڈیو کے ساتھ لکھا ہے کہ ’’ یمن میں ایران کے حمایت یافتہ حوثی باغی بالعموم امدادی سامان کو تباہ کردیتے ہیں یا بلاک کردیتے ہیں۔وہ یمن کو قحط سے بچانے کے بجائے لوگوں کو بھوک کا شکار کررہے ہیں اور اس کو ایک جنگی حربے کے طور پر استعمال کررہے ہیں۔ان کے اس کردار کے باوجود عرب اتحاد بین الاقوامی امدادی تنظیموں سے مل کر کام کرتا رہے گا اور یمن میں انسانی بحران کے خاتمے کے لیے وسائل مہیا کرتا رہے گا‘‘۔

سعودی عرب کے سفیر مزید لکھتے ہیں کہ عرب اتحاد نے اسٹاک ہوم میں طے شدہ جنگ بندی سمجھوتے کا خیرمقدم کیا تھا اور اس نے اس کی پاسداری جاری رکھی ہوئی ہے جبکہ ایران کی حمایت یافتہ حوثی ملیشیا نے اس کی خلاف ورزیوں کا سلسلہ جاری رکھا ہوا ہے۔

انھوں نے ٹویٹ میں سوال کیا ہے کہ’’ کیا عالمی برادری اسٹاک ہوم سمجھوتے کے مکمل نفاذ کو یقینی بنائے گی؟‘‘

مقبول خبریں اہم خبریں

مقبول خبریں