سعودی عرب یمن میں استحکام چاہتا ہے:ولی عہد شہزادہ محمد کی انتونیو گوٹیریس کو یقین دہانی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

اقوام متحدہ کے سیکریٹری جنرل انتونیو گوٹیریس نے منگل کے روز سعودی عرب کے ولی عہد شہزادہ محمد بن سلمان سے ٹیلی فون پر بات چیت کی ہے اور ان سے یمن کی صورت حال اور علاقائی امور پر تبادلہ خیال کیا ہے۔

سعودی پریس ایجنسی کے جاری کردہ بیان کے مطابق انتونیو گوٹیریس نے یمن کے متحارب فریقوں (ہادی حکومت اور حوثی باغیوں )کے درمیان مذاکرات میں مثبت نتائج کے حصول کے لیے سعودی عرب کی حمایت پر شکریہ ادا کیا ہے اور اس ضمن میں ولی عہد شہزادہ محمد بن سلمان کی کوششوں کو سراہا ہے۔

سعودی ولی عہد نے ان سے گفتگو کرتے ہوئے کہا کہ’’ سعودی عرب یمنی عوام کے مفادات کے تحفظ اور یمن کے استحکام اور سلامتی کا خواہاں ہیں اور اس سلسلے میں ہر ممکن کوششیں بروئے کار لانے کو تیار ہے‘‘۔

انتونیو گوٹیریس نے ایتھوپیا اور اری ٹیریا کے درمیان حال ہی میں جدہ میں طے پانے والے سمجھوتے کو بھی سراہا ہے اور ان دونوں ممالک کے درمیان تعلقات کی بحالی کے لیے سعودی قیادت کی مصالحتی کوششوں کی تعریف کی ہے۔

انھوں نے ٹیلی فون پر گفتگو کے دوران میں سعودی ولی عہد کو علاقائی مسائل کے حل اور پیش رفتوں کے ضمن میں بین الاقوامی سطح پر کی جانے والی کوششوں کے بارے میں بھی آگاہ کیا۔

مقبول خبریں اہم خبریں

مقبول خبریں