.

نائیجیریا کے نائب صدر ہیلی کاپٹر کی ہنگامی لینڈنگ میں محفوظ

پہلی اشاعت: آخری اپ ڈیٹ:

افریقی ملک نائیجیریا کے نائب صدر ہفتے کے روز ہیلی کاپٹر کی ہنگامی لینڈنگ کے دوران بال بال بچ گئے۔

نائیجیرین نائب صدر کے ترجمان لاولو اکاندی نے ٹویٹر پر پوسٹ ایک بیان میں بتایا کی نائب صدر یمی اوسینباگو کا ہیلی کاپٹر کوجی ریاست میں دورے کے دوران فنی خرابی کے بعد ہنگامی طور پر اتارا گیا تاہم اس میں نائب صدر اور عملہ سب محفوظ ہیں البتہ ہیلی کاپٹر کو نقصان پہنچا ہے۔

ترجمان نے کہا کہ نائب صدر ہیلی کاپٹر کی ہنگامی لینڈنگ کے بعد معمول کے مطابق اپنی ذمہ داریاں ادار کر رہے ہیں۔ اللہ کا شکر ہے کہ حادثے میں کسی قسم کا جانی نقصان نہیں ہوا ہے۔ تاہم انہوں نے اس حادثے کی مزید تفصیلات نہیں بتائیں۔ ایک مقامی فوٹو جرنلسٹ کریش ہونے والے ہیلی کاپٹر کی تصاویر پوسٹ کی ہیں۔

ادھر نایب صدر اوسینباگو نے 'ٹویٹر' پر پوسٹ ایک بیان میں کہا ہے کہ ہم امن وعافیت کے ساتھ ہیں۔ ان کا کہنا تھا کہ ہیلی کاپٹر کے عملے نے بہت احتیاط کے ساتھ ہمیں اور خود کو حادثے سے بچا لیا۔