میانمار کے مزید پناہ گزینوں کو داخل نہیں ہونے دیں گے:بنگلہ دیش

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

بنگلہ دیش کی حکومت نے سلامتی کونسل سے کہا ہے کہ وہ میانمار سے مزید مسلمان پناہ گزینوں کو اپنے ملک میں آنے کی اجازت نہیں دے گا۔ بنگالی حکومت کا کہنا ہے کہ اس کے پاس پناہ گزینوں کا بوجھ اٹھانے کی مزید صلاحیت نہیں رہی۔ اس لیے میانمار سے مزید پناہ گزینوں کو قبول نہیں کیا جائے گا۔

خبر رساں اداروں کے مطابق بنگلہ دیش کی حکومت کی طرف سے یہ موقف ایک ایسے وقت میں سامنے آیا ہے جب 18 ماہ قبل برما میں روہنگیا نسل کے مسلمانوں کی بڑی تعداد وحشیانہ فوجی کارروائیوں‌کے بعد فرار ہو کر بنگلہ دیش میں داخل ہوگئی تھی۔ بنگلہ دیش میں پناہ لینے والے روھنگیا مسلمانوں کی تعداد 7 لاکھ سے زیادہ ہے۔

اقوام متحدہ ، برطانیہ، امریکا اور دوسرے ممالک میانمار پر راکھین ریاست میں مسلمانوں کی نسل کشی کا الزام عاید کرتے ہیں تاہم میانما نے ان الزامات کی سختی سے تردید کی ہے۔

بنگلہ دیش کے وزیر خارجہ شہید الحق نے ایک بیان میں کہا کہ 'مجھے افسوس کے ساتھ سلامتی کونسل کو یہ بتانا پڑ رہا ہے کہ ان کا ملک میانمار کے مزید پناہ گزینوں کابوجھ نہیں اٹھا سکتا'۔

انہوں‌نے میانمار کی حکومت پر پناہ گزینوں کی واپسی کے حوالے سے بد عہدی کا الزام عاید کیا۔

مقبول خبریں اہم خبریں

مقبول خبریں