یورپی یونین نے سعودی عرب کو بلیک لسٹ کرنے کی تجویز مسترد کردی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

یورپی یونین کے رکن ممالک نے متفقہ طور پر سعودی عرب اورامریکا کے چار علاقوں کو دہشت گردی کے لیے رقوم اور منی لانڈرنگ پر نرم کنٹرول کے پیش نظر بلیک لسٹ قرار دینے کی تجویز مسترد کردی ہے۔

یورپی یونین کی انتظامی باڈی یورپی کمیشن نے سعودی عرب کو ’’ہائی رسک‘‘ ملک قرار دینے کی تجویز پیش کی تھی لیکن سعودی عرب نے اس کے خلاف موثر انداز میں مہم چلائی اور لابی کی ہے۔

یورپی یونین کے رکن ممالک کے نمایندوں نے جمعہ کو برسلز میں اس معاملے پر غور کے بعد اب ایک بیان سے اتفاق کیا ہے ۔ تنظیم کے انصاف اور داخلہ امور کے وزراء جمعرات کو اس کی منظوری دیں گے۔

رائیٹرز کے مطابق ا س بیان میں کہا گیا ہے کہ ’’ ہم موجودہ تجویز کی حمایت نہیں کرسکتے ۔یہ ایک شفاف اور قابلِ اعتبار عمل کے بعد تیار نہیں کی گئی ہے۔اس سے متاثرہ ممالک کی فیصلہ کن اقدام کے لیے حوصلہ افزائی نہیں ہوتی ہے جبکہ ان کے موقف کی سماعت کے حق کا احترام بھی نہیں کیا گیا ہے۔

امریکا کے محکمہ خزانہ نے بھی یورپی یونین کی تجویز کی مخالفت کی ہے اور کہا ہے کہ اس میں چار امریکی علاقوں کو شامل کرنے کا عمل سقم زدہ ہے اور اپنے علاقوں سامو آ ، امریکی آئلینڈ ، پیورٹو ریکو اور گوام کو اس فہرست میں شامل کرنے کی تجویز مسترد کرتا ہے۔

مقبول خبریں اہم خبریں

مقبول خبریں