سوڈان کا نام بلیک لسٹ سے نکالنے پرغور کر رہے ہیں: امریکی عہدیدار

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

امریکی وزارت خارجہ کےایک سینیرعہدیدار نے کہا ہےکہ امریکا سوڈان کے حوالے سے ایک نئی حکمت عملی پر غور کررہا ہے جس میں سوڈان کانام دہشت گردی کی پشت پناہی کرنے والے ممالک کی فہرست سے نکالنے کی تجویز بھی شامل ہے۔

امریکی عہدیدار نے کہاکہ امریکا سوڈان میں قائم ہونے والی نئی عبوری انتظامیہ کےساتھ رابطے میں ہے اور سوڈان میں ہونے والی تبدیلیوں‌پر گہری نظر رکھے ہوئے ہے۔ اگر سوڈان میں دہشت گردی کی پشت پناہی کے حوالے سے 'جوہری تبدیلی' آتی ہے تو خرطوم کو بلیک لسٹ سے نکالا جاسکتا ہے۔

انہوں‌نے کہاکہ ہمیں اس بات کا علم نہیں کہ سوڈان کی عبوری عسکری کونسل میں امریکا یا اقوام متحدہ کی طرف سے بلیک لسٹ کردہ نام بھی شامل ہے۔

ایک ای میل بیان میں امریکی وزارت خارجہ کے عہدیدار نے کہاکہ ابھی تک سوڈان دہشت گردی کی پشت پناہی کرنےوالے ملکوں کی فہرست میں شامل ہےاور اس پر امریکا کی طرف سے عاید کردہ پابندیاں بدستور برقرار ہیں۔

مقبول خبریں اہم خبریں

مقبول خبریں