طرابلس کی لڑائی میں 200 سے زیادہ ہلاکتیں ہو چکی ہیں: عالمی ادارہ صحت

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

عالمی ادارہ صحت نے جمعرات کے روز بتایا ہے کہ لیبیا کے دارالحکومت طرابلس کے نزدیک دو ہفتوں سے جاری لڑائی کے دوران تقریبا 205 افراد اپنی جانوں سے ہاتھ دھو چکے ہیں جب کہ 913 زخمی ہوئے۔ ہلاک شدگان میں 18 شہری بھی شامل ہیں۔

منگل کو رات گئے گنجان آباد رہائشی علاقے میں راکٹس گرے۔ اس کے نتیجے میں دارالحکومت میں جاری لڑائی کے دوران شہریوں کی مشکلات میں اضافہ ہو گیا۔

جرمنی نے بدھ کے روز مطالبہ کیا تھا کہ لیبیا کے حوالے سے سلامتی کونسل کا ایک ہنگامی اجلاس منعقد کیا جائے۔ یہ مطالبہ طرابلس میں فائر بندی سے متعلق مجوزہ قرار داد کے حوالے سے بات چیت ناکام ہو جانے کے بعد سامنے آیا۔

جرمن مشن کی جانب سے سلامتی کونسل کو بھیجی گئی یادداشت کے مطابق توقع ہے کہ کونسل جمعرات کے روز ایک بند کمرے کا اجلاس منعقد کرے گی تا کہ "آگے بڑھنے کا راستہ تلاش کرنے کے حوالے سے مشاورت" ہو سکے۔

مقبول خبریں اہم خبریں

مقبول خبریں