.

کم کارداشیان کے ہاں متبادل ماں کے ذریعے چوتھے بچے کی پیدائش

پہلی اشاعت: آخری اپ ڈیٹ:

ہالی وڈ کی مشہور اداکارہ کم کارداشیان اور ان کے شوہر کینی نے اپنے چوتھے بچے کی دنیا میں آمد کا خیر مقدم کیا ہے۔ بچے کی پیدائش کے لیے متبادل ماں (سیروگیٹ) کا طریقہ اختیار کیا گیا۔

کارداشیان نے جمعے کے روز اپنی ٹویٹ میں لکھا کہ "وہ یہ رہا ، وہ بالکل پرفیکٹ ہے"۔

اپنی ای میل میں کارداشیان نے بتایا کہ یہ بچہ جمعرات کے روز پیدا ہوا اور اس کا وزن 6 پونڈ اور 9 اونس ہے۔

کارداشیان کی تیسری اولاد ڈیڑھ سالہ بیٹی شکاگو نے بھی متبادل ماں کے ذریعے جنم لیا تھا۔

کارداشیان کے ہاں چوتھے بچے کی پیدائش ہالی وڈ اداکارہ کے اس انکشاف کے بعد ہوئی ہے کہ وہ وکیل بننے کے لیے تعلیم حاصل کر رہی ہیں۔