.

کیلیفورنیا: دنیا کا سب سے ننھا اور کم وزن بچہ بحفاظت گھر پہنچ گیا

پہلی اشاعت: آخری اپ ڈیٹ:

امریکی ریاست کیلیفورنیا کے ایک اسپتال میں دنیا کے سب سے کم وزن مگر صحت مند نومولود کی پیدائش عمل میں آئی ہے۔ اس بچے کا پیدائش کے وقت اس کا وزن صرف 245 گرام یا تقریبا ایک پائو تھا۔

صرف 23 ہفتوں اور تین دن اپنے ماں کے بطن میں رہنے والی اس بچی کا نام پیار سے سیبی [Saybie] رکھا گیا ہے۔

ڈاکٹرز نے آپریشن سے قبل بچی کے والد کو مطلع کیا تھا کہ بچی کی خطرناک صحت کے باعث اس کا عرصہ حیات صرف ایک گھنٹہ ہی ہوگا۔ مگر خدا کی قدرت دیکھئے کہ وہ ایک گھںٹہ بڑھتا بڑھتا پورے دن اور پھر ہفتے میں تبدیل ہو گیا۔

ڈاکٹرز کو دوران زچگی میں پیچیدگیوں کی وجہ سے آپریشن کرنا پڑا اور انہیں بچی کی جان کے بارے میں شدید خطرات لاحق تھے۔ مگر ہسپتال کے انتہائی نگہداشت وارڈ میں پانچ ماہ گزارنے کے بعد اس کو اب اسپتال سے ڈسچارج کردیا گیا ہے۔ اسپتال سے فراغت کے وقت اس کا وزن پانچ پائونڈ تھا جو ڈاکٹروں کے نزدیک صحت مند ہے۔