.

بیلجیئم : امریکی سفارت خانے پر دہشت گرد حملے کی سازش کے الزام میں مشتبہ شخص گرفتار

پہلی اشاعت: آخری اپ ڈیٹ:

بیلجیئم میں پولیس نے ایک مشتبہ شخص کو امریکی سفارت خانے پر دہشت گردی کے حملے کی سازش کے الزام میں گرفتار کر لیا ہے اور اس پر فرد جرم بھی عاید کردی گئی ہے۔

بیلجیئم کے پراسیکیوٹرز نے سوموار کو ایک بیان میں کہا ہے کہ اس مشتبہ شخص کو ہفتے کے روز گرفتار کیا گیا تھا ۔اس کی شناخت اس کے نام کے مخفف ایم جی سے کی گئی ہے لیکن اس نے خود پر عاید کردہ الزامات کی صحت سے انکار کیا ہے۔

تاہم پراسیکیوٹرز کا کہنا ہے کہ انھیں اس مشتبہ شخص کے دہشت گردی کے حملے کی سازش میں ملوّث ہونے کے ٹھوس شواہد ملے تھے۔بیان میں مزید کہا گیا ہے کہ اس کے خلاف جاری تحقیقات کے تحفظ کی غرض سے اس مرحلے پر مزید کوئی تفصیل نہیں جاری کی جائے گی۔