.

جرمن چانسلر کا خلیج کی صورت حال پر تشویش کا اظہار

پہلی اشاعت: آخری اپ ڈیٹ:

جرمن چانسلر انجیلا میرکل نے خلیج کی موجودہ صورت حال پر تشویش کااظہار کرتے ہوئے کہا ہے کہ تمام فریقین کو سفارت کاری کےمواقع سے فائدہ اٹھاتے ہوئے کشیدگی کم کرنے کے ٹھوس اقدامات کرنے چاہئیں۔

العربیہ ڈاٹ‌ نیٹ کے مطابق ایک پریس کانفرنس سے خطاب میں جرمن چانسلر نے کہا کہ بلاشبہ خلیج کی صورت حال تشویش کا باعث ہے۔ موجودہ حالات میں خلیجی خطے کو ہرایک تشویش کی نظر سے دیکھتا ہے۔ ہم تمام فریقین پر سفارت کاری کے ذریعے مسائل کے حل پر زور دیتے ہیں۔ فریقین کو سفارتی محاذ سے فائدہ اٹھا کر تنازعات کے حل کے لیے سنجیدہ کوششیں کرنی چاہئیں'۔

ادھر آج جمعہ کے روز واشنگٹن میں امریکی وزارتِ خارجہ اور دفاع کے ذمے داران کا دیگر ممالک کے عہدے داران کے ساتھ اجلاس ہو رہا ہے۔ امریکی وزارت خارجہ کے مطابق اجلاس میں خلیج میں سمندری جہاز رانی کی سیکورٹی کا معاملہ زیر بحث آئے گا۔

امریکی وزارت خارجہ نے واضح کیا کہ اجلاس میں سمندری سیکورٹی کے منصوبے پر بھی بات ہو گی جس میں مشرق وسطی میں جہاز رانی کی آزادی اور سمندری سیکورٹی پر توجہ مرکوز کی گئی ہے۔