.

یمن میں حوثیوں کا اہم فیلڈ کمانڈر ساتھی سمیت ہلاک

پہلی اشاعت: آخری اپ ڈیٹ:

یمنی فوج کے مطابق ایران نواز حوثی باغی ملیشیا کے ایک اہم فیلڈ کمانڈر ملک کے شمال مشرقی شہر جوف کے مغربی علاقے میں اپنے ساتھیوں سمیت ہلاک ہو گئے۔

فوج کی سرکاری ویب سائٹ کے مطابق یمنی فوج نے الجوف شہر کی مغربی علاقے المصلوب میں حوثی ملیشیا کے ایک ٹھکانے پر توپخانے سے گولا باری کی۔

ویب سائٹ کے مطابق گولا باری میں حوثی ملیشیا کے فیلڈ کمانڈر لطفی صالح المیمونی المعروف ابو صالح القوبری متعدد ساتھیوں سمیت ہلاک ہو گیا۔

منگل کے روز یمنی فوج نے الجوف کے شمالی شہر برط العنان کے اہم تزویراتی ٹھکانوں کو باغیوں کے قبضے سے چھڑایا۔ بارڈر سیکیورٹی کے فرسٹ بریگیڈ کے کمانڈر بریگیڈ جنرل ہیکل حنتف نے کہا کہ یمنی فوج نے رط العنان کے علاقے میں اہم تزویراتی قلعہ کی پہاڑیوں پر قبضہ کر لیا۔

ویب سائٹ کے مطابق یمنی فوج نے اسی علاقے کی ’الظھرہ‘ وادی میں حوثیوں کے ٹھکانوں پر ہلہ بولا۔

ادھر بریگیڈئر جنرل ہیکل حنتف نے بتایا کہ یمن کی قومی فوج ’’ثواثنہ‘‘ اور ’’الامھور‘‘ پہاڑی سلسلے میں حوثی ملیشیا کی سپلائی لائن کاٹنے میں کامیاب ہو گئی۔

اس کارروائی میں ہونے والی لڑائی کے دوران حوثی ملیشیا کو بھاری جانی اور مالی نقصان اٹھانا پڑا۔ نیز سرکاری فوج نے زخم چاٹنے پر مجبور حوثی ملیشیا سے بڑے پیمانے پر جدید نوعیت کا اسلحہ بھی اپنے قبضے میں لینے کے لئے کامیاب ہوئی۔