برطانیہ: نوجوان لڑکے پر کم سن کو دسویں منزل سے گرانے پر ارادۂ قتل کامقدمہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

برطانیہ میں پولیس نے ایک سترہ سالہ لڑکے پر چھے سال کی عمر کے ایک بچے کو ایک آرٹ گیلری کی دسویں منزل کی بالکونی سے گرانے پر فرد الزام عاید کردی ہے۔

وقوعہ کے مطابق ملزم نے کم سن لڑکے کو لندن کے وسطی علاقے میں واقع ٹیٹ ماڈرن آرٹ گیلری کی دسویں منزل سے دھکا دیا تھا اور وہ پانچویں منزل کی چھت پر آکر گرا تھا۔تاہم خوش قسمتی سے اس کی جان بچ گئی تھی مگر وہ شدید زخمی ہوگیا تھا۔

عینی شاہدین کے مطابق اس کی ماں چلّا چلّا کر اپنے بیٹے کو ڈھونڈتی رہی تھی اور وہ کہہ رہی تھی کہ اس کا بیٹا کہاں گیا؟ پولیس نے ملزم لڑکے کو اتوار کو گرفتار کر لیا تھا۔

لندن پولیس کا کہنا ہے کہ ’’اس زخمی بچّے کو تشویش ناک حالت میں اسپتال داخل کرا دیا گیا تھا۔ وہاں اس کا خاندان اس کے ساتھ ہے اور اب اس کی حالت قدرے بہتر ہے۔ افسر مسلسل اس کی مدد کر رہے ہیں۔‘‘

مقبول خبریں اہم خبریں

مقبول خبریں