.

لیبی فوج کی مصراتۃ میں ملٹری کالج سمیت متعدد مقامات پربمباری

پہلی اشاعت: آخری اپ ڈیٹ:

لیبیا میں جنرل خلیفہ حفتر کی وفادار فوج نے ہفتے کے روز مغربی شہر مصراتۃ میں متعدد اہداف پر بمباری کی۔ بمباری کا نشانہ بنائے جانے والے مقامات میں فضائیہ کا ملٹری کالج بھی شامل ہے جسے تباہ کردیا گیا ہے۔

'العربیہ' اور الحدث چینل کی رپورٹ کے مطابق مصراتۃ میں فضائیہ کالج میں زور دار دھماکوں کی آوازیں سنی گئی ہیں۔

خیال رہے کہ مغربی شہر مصراتۃ بھی لیبیا کی عالمی سطح پر تسلیم شدہ حکومت کی وفادار ملیشا کے زیرانتظام ہے۔ لیبی فوج طرابلس کےساتھ اس شہر میں بھی حکومت نواز ملیشیا کے خلاف آپریشن جاری رکھے ہوئے ہے۔

ادھر العربیہ اور الحدث چینلوں کے ایک دوسرے ذریعے کے مطابق جنوبی لیبیا میں مرزق شہر میں نیشنل آرمی اور مسلحہ گروپوں کے درمیان بھی گھمسام کی جنگ کی اطلاعات ہیں۔

ذرائع نے بتایا کہ افریقی ممالک سے تعلق رکھنے والے عسکریت پسندوں نے مرزق شہر پر حملہ جس کے بعد نیشنل آرمی کو المقریف کالونی سےپسپائی اختیار کرنا پڑی ہے۔ ذرائع کے مطابق مرزق شہر میں نیشنل آرمی کے جنگی طیاروں کی نچلی پروازیں جاری ہیں۔