.

'قطر نے صومالیہ میں 11 منصوبوں کے وعدے کیے مگر ان پر عمل درآمد نہیں کیا'

صومالی اپوزیشن جماعت کے رہ نما کی دوحا کی پالیسی پر تنقید

پہلی اشاعت: آخری اپ ڈیٹ:

افریقی ملک صومالیہ کے ایک سینیر سیاست دان اور اپوزیشن رہ نما عبدالرحمان عبدالشکور نے کہا ہے کہ قطر نے صومالیہ میں 11 منصوبوں کے لیے فنڈز فراہم کرنے کا اعلان کیا مگر دوحا کی طرف سے ان وعدوں پر عمل درآمد نہیں کیا گیا۔

العربیہ ڈاٹ نیٹ کے مطابق صومالی اپوزیشن رہ نما نے ملک میں 'ھوبیو' بندرگاہ کے افتتاح پر بات کرتے ہوئے کہا کہ قطر نے پہلے بھی کئی منصوبے شروع کیے مگر ان پر عمل درآمد نہیں کیا گیا۔

خیال رہے کہ قطر نے حال ہی میں صومالیہ میں 'ھوبیو' بندرگاہ کے افتتاح کا اعلان کیا ہے۔ یہ بندرگاہ بحیر احمر کے ساحل پر غلم دغ ریاست میں قائم کی جائے گی۔ دوحا کی طرف سے یہ بیان ایک ایسے وقت میں سامنے آیا ہے جب دوسری طرف حال ہی میں صومالیہ میں دوحا کے سفیر اور قطری کاروباری شخصیت کے درمیان ٹیلیفونک کال لیک ہوئی تھی۔ لیک ہونے والی کال میں قطری سفیر نے اعتراف کیا تھا کہ صومالیہ کی بوصاصو بندرگاہ پر گذشتہ مئی کو قطر نے بم دھماکے کرائے تھے۔

صومالیہ میں قطری حکومت کی طرف سے سرمایہ کاری کے منصوبوں کے اعلان کے پچیھے دوحا کے سیاسی اور اقتصادی مقاصد کار فرما ہیں۔ قطر قرن افریقا میں اپنا سیاسی اثرو نفوذ بڑھانے کے لیے کوشاں ہے۔ قطر بحیرہ احمر اور باب المندب کے قریب تزویراتی اہمیت کے حامل علاقوں میں خصوصی طورپر اثرو رسوخ بڑھا رہا ہے۔'ھوبیو' کا علاقہ اور وہاں پر بندرگاہ بھی قطر کے لیے تزویراتی اہمیت کا حامل ہے۔