سعودی نائب وزیردفاع کی امریکی وزیرخارجہ سے ملاقات

خلیجی خطے میں جہاز رانی کے تحفظ کی مشترکہ کوششوں پراتفاق

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

امریکی وزیر دفاع مائیک پومپیو اور سعودی عرب کے نائب وزیر دفاع شہزادہ خالد بن سلمان بن عبدالعزیز آل سعود نے بدھ کے روز واشنگٹن میں ملاقات کی۔ اس ملاقات میں دونوں رہ نمائوں نے خطے میں جہاز رانی کے تحفظ کے لیے مل کرکوششیں جاری رکھنے سے اتفاق کیا۔

سعودی نائب وزیر دفاع اور امریکی وزیرخارجہ کے درمیان ہونے والی ملاقات میں خطے کو عدم استحکام سے دوچار کرنے کی ایرانی سازشوں اور یمن میں جاری کشیدگی کو بات چیت کے ذریعے ختم کرنے کی کوششوں سے اتفاق کیا۔

امریکی وزارت خارجہ کی طرف سے جاری بیان میں کہا گیا ہے کہ وزیر خارجہ نے یمن میں آئینی حکومت اور عبوری کونسل کے درمیان جاری تنازع کے حل میں سعودی عرب کی مدد کرنے کی یقین دہانی کرائی۔

امریکی وزیرخارجہ نے یمن میں آئینی حکومت اور عبوری کونسل کے درمیان سعودی عرب کی ثالثی کی مساعی کا خیر مقدم کیا۔

ملاقات میں سعودی عرب کے نائب وزیر دفاع شہزادہ خالد بن سلمان نے امریکی حکام سے دوطرفہ دلچسپی کے امور پرتبادلہ خیال کیا۔

خیال رہے کہ سعودی عرب کے نائب وزیردفاع شہزادہ خالد بن سلمان سوموار کے روز امریکا کے دورے پر واشنگٹن پہنچے تھے۔

سعودی عرب کی سرکاری نیوز ایجنسی'ایس پی اے' کے مطابق نائب وزیردفاع امریکی حکام سے خلیجی خطے میں ایرانی مداخلت اور تہران کی خطے کو عدم استحکام سے دوچار کرنے کی سازشوں کی روک تھام پربات چیت کریں گے۔

مقبول خبریں اہم خبریں

مقبول خبریں