.

شام سے ایرانی دھمکیوں کا بھرپور جواب دیا جائے گا: اسرائیلی وزیر اعظم

پہلی اشاعت: آخری اپ ڈیٹ:

اسرائیلی وزیر اعظم بنجمن نیتن یاہو نے کہا ہے شامی سرزمین سے ایرانی جارحیت کی دھمکیوں سے قطعی طور پر اھمال نہیں برتیں گے۔ ’’انٹر فیکس‘‘ خبر رساں ادارے کے حوالے سے نتین یاہو کا سامنے آنے والا یہ بیان دراصل انہوں نے روسی صدر ولادیمیر پوتین سے سوچی میں ایک ملاقات کے دوران دیا۔

دونوں رہنماؤں کے درمیان بحیرۂ اسود کے سامنے روس کے صحت افزاء مقام سوچی پر ملاقات ہوئی۔ روسی خبر رساں ادارے کے مطابق ملاقات روسی صدر نے اسرائیل اور ماسکو کے درمیان فوجی اور سیکیورٹی تعاون کی تعریف کی۔

اس سے قبل نیتن یاہو کے دفتر سے ایک اعلان سامنے آیا تھا کہ وہ سوچی میں ہونے والی ملاقات کے دوران شام کی صورتحال اور ماسکو کے ساتھ بہتر کوارڈینیشن کے لئے روسی صدر سے تبادلہ خیال کریں گے۔

کریملن کے ترجمان دمیتری بیسکوف نے بتایا کہ روسی صدر پوتین نے اسرائیلی وزیراعظم کے ساتھ دوطرفہ تعلقات کی بڑھوتری اور مشرق وسطیٰ کی صورتحال پر جمعرات کے روز تبادلہ خیال کیا۔

نیتن یاہو کے دفتر کے مطابق اسرائیلی وزیراعظم نے شام میں ایران کی بڑھتی ہوئی موجودگی پر اپنی تشویش سے روسی قیادت کو مطلع کیا۔