صومالیہ کے لیے سیاہ دن ، موگادیشو میں دھماکے میں 76 افراد ہلاک

پہلی اشاعت: آخری اپ ڈیٹ:
مطالعہ موڈ چلائیں
100% Font Size

صومالیہ کے دارالحکومت موگادیشو میں ایک ایمرجنسی سروس کے ذمے دار عبدالقادر عبدالرحمن کے مطابق ہفتے کے روز ایک سواری میں ہونے والے زوردار دھماکے کے نتیجے میں اب تک 76 افراد ہلاک اور 51 زخمی ہو چکے ہیں۔ ذمے دار کا کہنا ہے کہ زخمیوں کی حالت کے پیش نظر ہلاک شدگان کی تعداد میں اضافہ یقینی ہے۔

العربیہ اور الحدث نیوز چینلوں کے نمائندے نے بتایا ہے کہ ہلاک ہونے والوں میں زیادہ تر عام شہری ہیں جن میں یونیورسٹی اور اسکول کے طلبہ شامل ہیں۔

پولیس کے ایک افسر کا کہنا ہے کہ "دھماکا نہایت زور دار اور تباہی پھیلانے والا تھا۔ زخمیوں کی ایک بڑی تعداد ہے جس کے سبب ہلاکتوں میں اضافہ ہو سکتا ہے"۔

ایک عینی شاہد احمد معلم نے بتایا کہ "میں نے خود 22 لاشوں کی گنتی کی اور یہ سب عام شہریوں کی تھیں ،،، اسی طرح 30 سے زیادہ افراد زخمی دیکھے ،،، یقینا یہ ایک سیاہ دن ہے"۔

مقبول خبریں اہم خبریں