.

سعودی طلبہ کے دہشت گرد جماعتوں کے ساتھ ملوث ہونے کا کوئی ثبوت نہیں : امریکی وزیر انصاف

پہلی اشاعت: آخری اپ ڈیٹ:

امریکی وزیر انصاف ولیم بار کا کہنا ہے کہ سعودی طلبہ کے دہشت گرد جماعتوں کے ساتھ ملوث ہونے کا کوئی ثبوت نہیں ملا اور اس بات کی بھی کوئی دلیل نہیں کہ انہیں دسمبر میں فلوریڈا ریاست میں پیش آنے والے فائرنگ کے واقعے کا پہلے سے علم تھا۔

امریکی وزیر انصاف نے باور کرایا کہ سعودی عرب کی جانب سے فلوریڈا حادثے کی تحقیقات میں مکمل سپورٹ کی جا رہی ہے۔ انہوں نے اس بات کی ضرورت پر زور دیا کہ امریکی فوج تربیت حاصل کرنے والے غیر ملکیوں کے بارے میں چھان بین کی کارروائی کو بہتربنائے۔

یاد رہے کہ ایک سعودی طالب علم نے 6 دسمبر 2019 کو فلوریڈا میں ایک فوجی اڈے پر فائرنگ کر دی تھی۔ اس کے نتیجے میں 3 امریکی ہلاک اور 8 زخمی ہو گئے۔

حادثہ پیش آنے پر وفاقی تحقیقاتی بیورو میں تحقیق کاروں کی ٹیم ک سربراہ نے اعلان کیا تھا کہ تحقیق کاروں کا خیال ہے کہ سعودی فضائیہ کی جانب سے فائرنگ اس کا ذاتی عمل تھا۔