حزب اللہ کےمقابلے کے لیے عالمی حمایت حاصل کرتے رہیں گے: پومپیو

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

امریکی وزیر خارجہ مائیک پومپیو نے لبنانی حزب اللہ کو جنوبی امریکا کے متعدد ممالک کی طرف سے ایک دہشت گرد تنظیم قرار دینے کا خیر مقدم کیا ہے۔ ان کا کہنا ہے کہ حزب اللہ کا مقابلہ کرنے اور اسے عالمی سطح پر تنہا کرنے کے لیے بین الاقوامی مدد حاصل کرتے رہیں گے۔

پومپیو نے پیر کو اپنے ٹویٹر اکاؤنٹ پرپوسٹ کی گئی ایک ٹویٹ میں کہا کہ ہم ایران کی حمایت یافتہ حزب اللہ کو دہشت گرد تنظیم قرار دینے پرکولمبیا ،ہونڈوراس اور گوئٹے مالا کا شکریہ ادا کرتے ہیں۔

انہوں نے مزید کہا کہ حزب اللہ اور سرحد پار سے جاری دیگر دہشت گرد گروہ اب بھی خطے میں سرگرم ہیں۔ ان گروپوں کی طرف سے لاحق خطرات کا مقابلہ کرنے کے لیے امریکہ بین الاقوامی حمایت کو متحرک کرتا رہے گا۔

خیال رہے کہ ہنڈوراس میں نائب وزیر برائے سلامتی لوئس سوزو نے پیر کے روز کہا تھا کہ ان کی حکومت نے لبنانی حزب اللہ کو ایک دہشت گرد تنظیم قرار دیتے ہوئے اس کے اثاثے ضبط کرنے کا فیصلہ کیا ہے۔

قبل ازیں گوئٹے مالا اور ہنڈوراس نے بھی ایرانی حمایت یافتی حزب اللہ کو دہشت گرد تنظیم قراردیا تھا۔

برطانیہ نے بھی جمعہ کے روز حزب اللہ کے سیاسی اور عسکری ونگ کو "دہشت گرد" قرار دینے کا اعلان کرنے کے ساتھ برطانیہ میں موجود اس کے تمام اثاثے منجمد کرنے کا اعلان کیا تھا۔

مقبول خبریں اہم خبریں

مقبول خبریں