.

سعودی طالبات سے متعلق ’غیر شائستہ‘ گفتگو کرنے والا شخص گرفتار

پہلی اشاعت: آخری اپ ڈیٹ:

سعودی عرب کے محکمہ پبلک پراسیکیوشن کے ایک عہدیدار نے تصدیق کی ہے مملکت میں واقع ایک یونیورسٹی میں زیر تعلیم طالبات سے متعلق ’غیر مہذب‘ گفتگو کرنے والے شخص کو گرفتار کرنے کا حکم دیا گیا ہے۔ مذکورہ شخص کا ایک وڈیو کلپ سوشل میڈیا پر وائرل ہوا تھا جس میں اس نے عوامی جگہ پر بعض لڑکیوں کے بارے میں سوقیانہ جملے کسے۔ حکام کے مطابق وڈیو میں اس شخص نے یونیورسٹی طالبات پر الزام تراشی کے علاوہ ان کے خلاف مغلظات بھی بکی تھیں۔

مذکورہ عہدیدار کے مطابق پبلک پراسیکیوشن نے وڈیو کلپ کی تحقیق اور اس کے درست ثابت ہونے کے بعد فوجداری قانون کی متعلقہ دفعات کے تحت اس شخص کو گرفتار کر کے اس کے خلاف قانونی کارروائی کے احکامات جاری کیے۔

انھوں نے واضح کیا کہ پبلک پراسیکیوشن کا ادارہ شہریوں کے حقوق کی پامالی اور عزت اچھالنے جیسے جرائم پر کڑی نظر رکھتا ہے اور اس کے مرتکب افراد کو کیفرکردار تک پہنچانے میں کوئی دقیقہ فروگزاشت نہیں کرتا۔

مقبول خبریں اہم خبریں