.

سعودی عرب: 2 ٹن حشیش اور 100 ٹن قات کی اسمگلنگ ناکام

پہلی اشاعت: آخری اپ ڈیٹ:

سعودی عرب میں سرحدی فورسز نے گذشتہ ماہ جمادی الاولی کے دوران جنوبی علاقوں میں مملکت کی زمینی اور سمندری سرحدوں کے راستے تقریبا دو ٹن حشیش اور 100 ٹن قات (نشہ آور بوٹی) کی اسمگلنگ ناکام بنا دی۔

سعودی سرحدی پاسداران کے سرکاری ترجمان لیفٹننٹ کرنل مسفر القرینی کے مطابق مملکت کی مذکورہ سرحدوں کے راستے منشیات کی اسمگلنگ کی کوششوں پر مسلسل کڑی نظر رکھنے کے نتیجے میں جمادی الاولی 1441 ہجری کے دوران کئی کوششیں ناکام بنا دی گئیں۔ اس دوران مجموعی طور پر 1790 کلو گرام حشیش اور 90 ٹن اور 65 کلو گرام قات پکڑی گئی۔

القرینی نے مزید بتایا کہ قانونی کارروائی کے لیے ملزمان اور ان کے قبضے سے برآمد کی جانے والی منشیات کو متعلقہ اداروں کے حوالے کر دیا گیا۔

ترجمان نے باور کرایا کہ سرحدی پاسداران کے اہل کار پورے عزم اور نیک نیتی کے ساتھ سرحد کے راستے اسمگلنگ کی ہر کوشش کا راستہ روکنے میں مصروف ہیں۔

گذشتہ ماہ ناکام بنائی جانے والی اسمگلنگ کی کوششوں کے دوران 79 ملوث افراد کو حراست میں لیا گیا۔ ان میں 61 کا تعلق ایتھوپیا سے، 7 کا یمن سے، 5 کا سعودی عرب سے اور 4 کا صومالیہ سے ہے جب کہ دو افراد کی شناخت نامعلوم ہے۔

مقبول خبریں اہم خبریں