یمنی فوج نے صعدہ میں حوثی ملیشیا کا ایران ساختہ ڈرون مارگرایا!

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

یمنی فوج نے شمالی گورنری صعدہ میں ایران کے حمایت یافتہ حوثی شیعہ باغیوں کا ایک بغیر پائیلٹ طیارہ مار گرایا ہے۔

یمنی فوج کے ایک اعلیٰ عہدہ دار نے کہا ہے کہ برّی فوجیوں نے اس ڈرون کو فائرنگ سے تباہ کیا ہے۔یہ فوج کے کنٹرول والے علاقے کی جانب بڑھ رہا تھا۔اس کے گرنے سے کوئی جانی یا مالی نقصان نہیں ہوا ہے۔

بریگیڈیئر جنرل محمد الغنیمی نے بتایا ہے کہ حوثیوں کے تباہ شدہ ڈرون کے پرزے جوڑ کر دیکھا گیا ہے تو یہ ایران ساختہ نظر آیا ہے۔

واضح رہے کہ اقوام متحدہ نے یمن میں حوثی شیعہ باغیوں کو اسلحہ کی فروخت پر پابندی عاید کررکھی ہے لیکن اس کی خلاف ورزی کی جارہی ہے۔اقوام متحدہ نے حال ہی میں اپنی ایک رپورٹ میں انکشاف کیا ہے کہ حوثی ملیشیا کے قبضے میں ایسے ہتھیار پائے گئے ہیں جو ایران ساختہ ہتھیاروں کے مشابہ ہیں۔

مقبول خبریں اہم خبریں

مقبول خبریں