سعودی عرب کے جنرل انویسٹمنٹ فنڈ نے اعلان کیا ہے کہ سال 2020ء میں دولت فنڈ میں مزید 300 افراد کو ملازمت فراہم کی جائے گی۔
العربیہ ڈاٹ نیٹ کے مطابق انویسٹمنٹ فنڈ کو توقع ہے کہ رواں سال اس کے ملازمین کی تعداد ایک ہزار سے تجاوز کر جائے گی۔ رواں سال سعودی عرب کا انویسٹ منٹ فنڈ 4 ارب ڈالر سے تجاوز کر جائے گا۔
سعودی عرب کے دولت فنڈ کے شعبہ کمپینیز انویسمنٹ کے سربراہ علی رضا الزیمی نے بتایا کہ آغاز میں دولت فنڈ کے ملازمین کی تعداد چالیس تھی جو بڑھ کر 700 تک جا پہنچی ہے۔ ہمیں امید ہے کہ رواں سال اس کےملازمین کی تعداد میں مزید 300 افراد کا اضافہ کیا جائے گا۔
قبل ازیں انویسٹمنٹ فنڈ کی طرف سے 2020ء میں سرمایہ کاری کا حجم چار ارب ڈالر تک لے جانے کا اعلان کیا گیا تھا۔
ایک پریس کانفرنس میں مسٹر الزیمی کا کہنا تھا کہ سعودی دولت فنڈ اپنے اہداف کے حصول کے لیے درست سمت میں آگے بڑھ رہا ہے۔
