.

کرونا وائرس سے متعلق غلط اطلاعات کی مہم کے پیچھے روس کارفرما ہے:امریکا

پہلی اشاعت: آخری اپ ڈیٹ:

بعض امریکی عہدہ داروں نے روس سے وابستہ سوشل میڈیا کے ہزاروں اکاؤنٹس پر الزام عاید کیا ہے کہ انھوں نے نئے کرونا وائرس سے متعلق خوف وہراس پھیلانے کے لیے امریکا کے خلاف ایک مربوط مہم برپا کررکھی ہے۔

ان عہدے داروں نے فرانسیسی خبررساں ایجنسی اے ایف پی سے گفتگو کرتے ہوئے کہا ہے کہ ’’غلط معلومات پر مبنی اس مہم کے ذریعے ان سازشی نظریات کی تشہیر کی جارہی ہے کہ چین میں کرونا وائرس کے پھیلنے میں امریکا کا ہاتھ کارفرما ہے۔‘‘

انھوں نے کہا کہ اس مہم کا مقصد صحت کے بارے میں عالمی سطح پر پائی جانے والی تشویش کے پیش نظر امریکا کے تشخص کو مجروح کرنا ہے۔